Pas fatkeqësisë natyrore të shkaktuar nga tërmeti i datës 26.11.2019, në kuadër të rindërtimit të objekteve të shembura (objekte banimi, institucione arsimore etj), Agjencia Kombëtare e Mjedisit ju bën me dije se:

Bazuar në Shtojcat I dhe II, të Ligjit 10 440, datë 07.07.2011 “Për Vlerësimin e Ndikimit në Mjedis”, të ndryshuar, do të përjashtohen nga procesi i Vlerësimit të Ndikimit në Mjedis, ato projekte që do të ngrihen mbi të njëjtin truall dhe që do të respektojnë të njëta kondicione urbanistike me objektin ekzistues.

Në rast se projektet e rindërtimit do të kenë ndryshime thelbësore si zgjerim në sipërfaqe, në funksion etj, zhvillimi i projektit shoqërohet me ndikim në mjedis dhe duhet t’i nënshtrohet procedurave të VNM-së.

Për lehtësi procedurash, lutemi drejtohuni zyrtarisht pranë AKM-së, ku kërkesa për vlerësimin e procedurës duhet të përmbajë një përshkrim të shkurtër të projektit, skica, planimetri, sipas të cilave do të bëhet krahasimi i ish-objektit me projektin e ri.

Per me shume informacion materiali i plote ne linkun e meposhtem :

Mbi procedurat e Vlerësimit të Ndikimit në Mjedis për projektet e rindërtimit të objekteve të shembura nga tërmeti

Per me shume informacion rreth kesaj procedura ju lutem klikoni ne linkun:

Per Proceduren e dorezimit / pranimit te dokumenteve dhe raporteve te vetmonitorimit

Bazuar ne Ligjin Nr. 52/2020 “Per disa ndryshime ne ligjin Nr. 10448, date 14.07.2011 “Per lejet e mjedisit” te ndryshuar”, ne shtojcen 1 “Lejet e mjedisit te tipeve A dhe B ne varesi te kapacitetit prodhues kufi”, ju bëjmë me dije se shtojca e ligjit të lejeve të mjedisit ka ndryshuar duke shfuqizuar lejet e kategorisë C.

Bazuar në Urdhërin  me  Nr.163 Datë 16.06.2020 “Për miratimin e kërkesave të posaçme për shqyrtimin e aplikimeve për leje mjedisi të tipit B, për instalimet egzistuese të pajisura me leje mjedisi të tipit C, të cilat në varësi të kapacitetit prodhues, klasifikohen si leje mjedisi të tipit B, si dhe rregullat e hollësishme për shqyrtimin e tyre nga QKB-ja” të Ministrit të Turizmit dhe Mjedisit është lehtësuar proçedura e kalimit nga leje tipi C në tipin B, për operatorët qe aplikojnë brënda afatit 12 mujor të parashikuar në ligj, duke shmangur dy etapa në momentin e aplikimit sic janë:

– konsultimi me publikun

– dhe pajisjen me Vlerësim të Ndikimit në Mjedis (VNM).

Afati për proçedurën e kalimit nga leje tipi C në leje tipi B referuar ligjit të lartëpërmendur  është 12 muaj nga hyrja në fuqi e ligjit.

Ju rikujtojmë se aplikimi sipas proçedurës për kalimin në leje Tipi B me qëllim përfitimin e lehtësirave brënda afatit 12 mujor nga momenti i hyrjes në fuqi të ligjit Nr.52/2020 “Per Lejet e Mjedisit”, përfundon më 11.06.2021.

Pas kësaj date duhet të filloni aplikimin nga e para ku do ju duhet të plotësoni të gjitha kërkesat e parashikuara në VKM-në Nr.419 datë 25.06.2014 “Për miratimin e kërkesave të posaçme për shqyrtimin e kërkesave për leje mjedisi të tipave A, B dhe C, për transferimin e lejeve nga një subjekt te tjetri, të kushteve për lejet respektive të mjedisit, si dhe rregullave të hollësishme për shqyrtimin e tyre nga autoritetet kompetente deri në lëshimin e këtyre lejeve nga QKL-ja”

Ne baze te VKM nr 714 dt 06.11.2019 te gjithe ekspertet e licensuar duhet te fillojne aplikimin e dosjeve nepermjet platformes online,per keto sherbime:

a)  VNM e thelluar- Njoftim

b)  VNM e thelluar për deklaratë Mjedisore

c)  VNM Paraprake

d)  Transferimi i Vendimit për VNM paraprake pranë AKM

e)  Transferimi i deklaratës mjedisore pranë MTM

Ky sherbim do te lehtesoje ne menyre te ndjeshme kohen e aplikimit. Ju urojme suksese dhe pune te mbare.

Aksesesimi i sherbimit ne linkun si me poshte:

“Aplikim për vlerësimin e ndikimit në mjedis”  –

https://e-albania/eAlbaniaServices.aspx?sservice_code=13278