Me bashkinë Vlorë gjatë diskutimeve mbi marrjen e masave për sigurimin e një mjedisi të pastër gjatë sezonit veror 2022. Këto masa synojnë vendosjen e dusheve, koshave dhe tualeteve në plazhin publik dhe privat si dhe trajtimin e ujërave të ndotur. Ujërat e ndotura trajtohen me paratrajtim dhe trajtim primar dhe impianti mbulon 75 % të rrjetit të kanalizimeve. Bashkia Vlorë, nëpërmjet një projekti që po zhvillohet, do të përmirësojë impiantin e trajtimit të ujërave të ndotur duke përfshirë trajtimin sekondar të ujërave të ndotura.

Nga bashkia Pogradec, u informuam mbi masat kryesore që kanë marrë për mbarëvajtjen e sezonit veror si dhe përmirësimin e gjendjes mjedisore në përgjithësi.

Për sa i përket trajtimit të ujërave të ndotura urbane, bashkia Pogradec ka  në funksion impiantin e trajtimit të ujit.  Ujërat e ndotura urbane shkojnë në impiantin e trajtimit të ujit nëpërmjet rrjetit të kanalizimeve i cili përfshin pothuajse të gjithë zonat përreth liqenit dhe nuk ka derdhje të patrajtuara në të.

Agjencia Kombëtare e Mjedisit në bashkëpunim me projektin GIZ “Menaxhimi i modernizuar i mbetjeve të ngurta dhe ekonomia ricikluese në respekt të mjedisit”, ka organizuar takime ndërgjegjësuese në bashkinë Cërrik me përfaqësues të biznesit (supermarkete/markete) si dhe në bashkinë Sarandë në disa kopshte, shkolla dhe institucione të tjera.

Qëllimi i takimeve konsiton në ndarjen në burim të mbetjeve të kartonit/letrës që bizneset dhe institucionet gjenerojnë, depozitimin në koshat e caktuar nga projekti GIZ, si dhe njohjen me problematikat e tyre. Në përgjithësi ndarja në burim i mbetjeve të kartonit/letrës realizohet nga të gjithë bizneset dhe institucionet e përzgjedhura por kërkohet përmirësim në tërheqjen e rregullt të këtyre mbetjeve për të vijuar me proçesin e riciklimit. Ndarja e mbetjeve të kartonit/letrës është një proçes i rëndësishëm që ndihmon në mirëmenaxhimin e tyre dhe mbrojtjen e mjedisit.

Një tjetër çështje e rëndësishme e takimeve ishte ndërgjëgjësimi për mospërdorimin e qeseve plastike mbajtëse me trashësi për çdo anë më të vogël se 70 mikron dhe me kapacitet mbajtës më të vogël se 10 kilogramë (referuar ligjit Nr 28, datë 17.03.2022). Nxitja e tyre për përdorimin e çantave prej material tekstili si një mënyrë alternative për të qenë më miqësor me mjedisin.

Informimi në supermarkete, markete apo treg ushqimor për ndalimin e përdorimit të qeseve plastike mbajtëse që nuk plotësojnë kushtet referuar Ligjit Nr 28, datë 17.03.2022, ka vijuar përgjatë muajit qershor në 24 bashki të vendit tonë. Nëpërmjet takimeve, synojmë ndërgjegjësimin dhe nxitjen e bizneseve dhe të qytetarëve për përdorimin e çantave të letrës apo çantave prej material tekstili shumëpërdorimshe.

Në të gjitha bashkitë dhe bizneset ku u kryen takime, u shpërndanë broshura, postera dhe banera me përmbajtje ndërgjegjësuese për mos përdorimin e qeseve plastike njëpërdorimshe.

Të gjithë sëbashku për mbrojtjen e mjedisit!